परिचय

कर्णाली प्रदेश अन्तर्गत पर्ने हुम्ला जिल्ला भौगोलिक हिसाबले नेपालको अति दुर्गम हिमाली क्षेत्र हो । जिल्लाको सदरमुकाम सिमकोट रहेको छ । भौगोलिक अवस्थिति हेर्दा हुम्ला जिल्ला २९º ३५'' देखि ३०º ५७'' उत्तरी अक्षांश र ८१º १८'' देखि ८२º १०'' मिनेट पूर्वी देशान्तर सम्म फैलिएको छ । कूल ५,६५५ वर्ग किलोमिटर क्षेत्रफल ओगटेको यो जिल्ला डोल्पा पछिको दोश्रो ठूलो क्षेत्रफल भएको जिल्ला हो । हुम्ला समुद्र सतहबाट १,५२४ मिटर देखि ७,३३७ मिटरमा उचाइमा अवस्थित रहेको छ । यस जिल्लाको पूर्वमा मुगु, दक्षिणमा बाजुरा र मुगु, उत्तरमा चीनको स्वशासित क्षेत्र तिब्बत र पश्चिममा बझाङ्ग र चिनको स्वशासित क्षेत्र तिब्बत पर्दछन् । भौगोलिक क्षेत्र र बनौटको हिसावले हेर्दा यस जिल्लालाई उच्च हिमाली क्षेत्र, उच्च पहाडी क्षेत्र र पहाडी तथा नदीको बेसी क्षेत्र गरी ३ भागमा बाँडिएको छ । यस जिल्लामा सात वटा स्थानीय  तह र ४४ वटा वडाहरु रहेका छन् भने १ वटा प्रतिनिधि सभा निर्वाचन क्षेत्र र २ वटा प्रदेश सभा निर्वाचन क्षेत्र रहेका छन् ।

कर्णाली प्रदेश सरकार, सामाजिक विकास मन्त्रालय मातहत रहेको यस कार्यालयले संघ तथा  प्रदेश सरकारको स्वास्थ्य सम्बन्धी नीति तथा कार्यक्रम अनुसार  जनस्वास्थ्य कार्यक्रमहरु कार्यान्वयन, अनुगमन तथा सुपरिवेक्षण  गरी स्थानीय तहका स्वास्थ्य शाखा तथा स्वास्थ्य संस्थाहरुलाई आवश्यक क्षमता विकासका कार्यक्रम तथा प्राविधिक सहयोग  गर्दछ  भने  चिकित्सा शाखा ( हुम्ला जिल्ला अस्पताल ) बाट क्लिनिकल सेवा  प्रदान गरिन्छ । हुम्ला  जिल्ला अस्पताल १५ शैयाको प्राथमिक अस्पताल भएता पनि अस्पताल व्यवस्थापन समितिबाट ८ शैया थप गरी  हाल २३ शैया संचालनमा रहेका छन् ।  

डा. प्रतिक्षा भारती

कार्यालय प्रमुख

नन्द बहादुर शाही

सूचना अधिकारी

९८५८३२०८७९